Հոդված 170.

Չօգտագործված ամենամյա արձակուրդի համար դրամական հատուցումը

1. Ամենամյա նվազագույն արձակուրդի փոխարինումը դրամական հատուցմամբ չի թույլատրվում: Եթե աշխատանքային պայմանագրի լուծման հետևանքով ամենամյա արձակուրդի իրավունք ձեռք բերած աշխատողին չի կարող տրամադրվել ամենամյա արձակուրդ, կամ աշխատողը չի ցանկանում դրա տրամադրումը, ապա նրան վճարվում է դրամական հատուցում:

2. Ամենամյա արձակուրդը չօգտագործելու համար դրամական հատուցումը վճարվում է աշխատանքային պայմանագիրը լուծելիսª անկախ դրա գործողության ժամկետից: Հատուցման չափը որոշվում է տվյալ ժամանակահատվածի համար տրամադրման ենթակա ամենամյա արձակուրդի չօգտագործված օրերի քանակով: Եթե աշխատողին ամենամյա արձակուրդը չի տրամադրվել մեկ տարուց ավելի ժամանակահատվածով, ապա հատուցումը վճարվում է չօգտագործված բոլոր արձակուրդների համար:

Սույն հոդվածում կատարված առաջին փոփոխությամբ վերացել է ամենամյա երկարացված ու լրացուցիչ արձակուրդը դրամական հատուցմամբ փոխարինելու` նախկինում կիրառելի դրույթը, և արդյունքում ստացվել է այնպես, որ ամենամյա երկարացված ու լրացուցիչ արձակուրդները դրամական հատուցմամբ նույնպես չի թույլատրվում` արգելվում է:

Պարզաբանվող հոդվածի երկրորդ մասում կատարված փոփոխությամբ հանվել է ՙանկախ դրա գործողության ժամկետից՚ անհեթեթ արտահայտությունը, որը տրամաբանական որևէ կապ չունի դրանից առաջ նշված դրույթներով կարգավորվող հարաբերությունների հետ:

Հոդվածի առաջին մասում կատարված լրացմամբ ավելի են հստակեցվել աշխատանքային պայմանագրի լուծման հետևանքով դրամական հատուցում ստացողների իրավունքները: Առանց վերոհիշյալ լրացման, ստացվում էր, որ դրամական հատուցում պետք է վճարվեր բոլոր աշխատողներին` անկախ վերջիններիս կողմից այդ իրավունքը ձեռք բերելու հանգամանքից:

Հոդված 95.

Որոշակի ժամկետով կնքված աշխատանքային պայմանագիրը
1. Որոշակի ժամկետով աշխատանքային պայմանագիր է կնքվում, եթե աշխատանքային հարաբերությունները չեն կարող որոշվել անորոշ ժամկետով` հաշվի առնելով կատարվելիք աշխատանքի բնույթը կամ կատարման պայմանները, եթե սույն օրենսգրքով կամ օրենքով այլ բան նախատեսված չէ:
Որոշակի ժամկետով կնքված աշխատանքային պայմանագիրը կարող է կնքվել որոշակի ժամանակահատվածով կամ օրացուցային ժամկետի սահմանումով կամ մինչև պայմանագրով նախատեսված աշխատանքների ավարտը, սակայն հինգ տարուց ոչ ավելի ժամկետով: Հինգ տարուց պակաս ժամկետով կնքված աշխատանքային պայմանագրի գործողության ժամկետը լրանալուց հետո աշխատանքային պայմանագրի գործողության ժամկետը կողմերի համաձայնությամբ կարող է երկարաձգվել: Նույն գործատուի մոտ հինգ տարուց պակաս ժամկետով կնքված որոշակի ժամկետով աշխատանքային պայմանագրերի` գործողության ընդհանուր գումարային ժամկետը չի կարող գերազանցել հինգ տարին, եթե որոշակի ժամկետով կնքված պայմանագրերի ընդհատումը չի գերազանցում մեկ ամիսը, բացառությամբ սույն հոդվածի 2-րդ մասով նախատեսված դեպքերի: Որոշակի ժամկետով կնքված աշխատանքային պայմանագրի գործողության ժամկետը երկարաձգելու մասին կողմերի գրավոր համաձայնությունը ձեռք է բերվում պայմանագրի գործողության ժամկետի ավարտից առնվազն տասն օր առաջ:
Նույն գործատուի մոտ որոշակի ժամկետով կնքված պայմանագիրը հինգ տարվա ընթացքում լուծվելու և ոչ ավելի, քան մեկ ամսվա ընթացքում նոր` որոշակի ժամկետով պայմանագիր կնքվելու դեպքում աշխատողի աշխատանքը համարվում է չընդհատվող:
2. Ընտրովի պաշտոններում աշխատողների հետ աշխատանքային պայմանագիրը կնքվում է ընտրված ժամանակահատվածով:
3. Աշխատանքային պայմանագիրը որոշակի ժամկետով կարող է կնքվել նաև, եթեª
1) աշխատողը գործատուին մատուցում է անձնական բնույթի ծառայություններ.
2) աշխատանքը կատարում են տնաշխատները.
3) կատարվում է համատեղությամբ աշխատանք.
4) կատարվում են սեզոնային աշխատանքներ.
5) կատարվում է ժամանակավոր (մինչև երկու ամիս ժամկետով) աշխատանք:

Հոդված 95.

Որոշակի ժամկետով կնքված աշխատանքային պայմանագիրը
1. Որոշակի ժամկետով աշխատանքային պայմանագիր է կնքվում, եթե աշխատանքային հարաբերությունները չեն կարող որոշվել անորոշ ժամկետով` հաշվի առնելով կատարվելիք աշխատանքի բնույթը կամ կատարման պայմանները, եթե uույն oրենuգրքով կամ oրենքներով այլ բան նախատեuված չէ:
2. Որոշակի ժամկետով կնքված աշխատանքային պայմանագիրը կարող է կնքվել որոշակի ժամանակահատվածով կամ oրացուցային ժամկետի uահմանումով կամ աշխատանքային պայմանագրով նախատեuված աշխատանքների ավարտման սահմանումով:
3. Որոշակի ժամկետով պայմանագրեր կնքվում են նաև`
1) ընտրովի պաշտոններում աշխատողների հետ` ընտրված ժամանակահատվածով.
2) համատեղությամբ աշխատանք կատարողների հետ.
3) uեզոնային աշխատանքներ կատարողների հետ.
4) ժամանակավոր (մինչև երկու ամիu ժամկետով) աշխատանքներ կատարողների հետ.
5) ժամանակավորապես բացակայող աշխատողին փոխարինող աշխատողի հետ.
6) օտարերկրացիների հետ` աշխատանքի թույլտվության կամ կացության իրավունքի վավերականության ժամկետով:

Այս հոդվածում կատարված փոփոխություններով վերացել է որոշակի ժամկետով աշխատանքային պայմանագիրը հնգամյա ժամկետով սահմանափակելու իրավական նորմը, ինչի հետևանքով աշխատանքային հարաբերության կողմերը փոխադարձ համաձայնությամբ ձեռք են բերել աշխատանքային պայմանագրում (աշխատանքի ընդունման մասին գործատուի կողմից ընդունված անհատական իրավական ակտում) ցանկացած ժամկետ սահմանելու իրավունք:

Փոփոխությամբ վերացել է նաև որոշակի ժամկետով կնքված աշխատանքային պայմանագրի գործողության ժամկետի երկարաձգման վերաբերյալ ՀՀ աշխատանքային օրենսգրքով նախատեսված կանոնակարգումը: Սակայն դա չի նշանակում, որ կողմերն ի զորու չեն փոխադարձ համաձայնությամբ փոփոխելու աշխատանքային պայմանագրի գործողության ժամկետը` նախ այն պատճառով, որ դեռևս գործում է ՙՅուրաքանչյուր ոք ազատ է կատարելու այն, ինչն արգելված չէ օրենքով և չի խախտում այլոց իրավունքները և ազատությունները: Ոչ ոք չի կարող կրել պարտականություններ, որոնք սահմանված չեն օրենքով՚ սահամադրական գերակա նորմը, որն ունի անմիջական և ուղղահայաց ներգործության ուժ և անվերապահ ներազդեցություն ունի ներպետական օրենսդրության, այդ թվում նաև աշխատանքային օրենսդրության և աշխատանքի իրավունքի նորմեր պարունակող այլ իրավական ակտերի վրա: Քանի որ կողմերն օրենքի ուժով կաշկանդված չեն պայմանագրի գործողության ժամկետը երկարաձգելու հարցում, հետևաբար, կողմերը չեն կարող պատասխանատվություն կրել պարտավորություններ չսահմանող օրենքի դրույթները խախտելու համար, ուստի նրանք չպետք է զրկվեն աշխատանքային պայմանագրի գործողության ժամկետը երկարաձգելու իրավունքից: Ավելին, ՀՀ օրենսդրության շրջանակներում աշխատանքային հարաբերության անմիջական մասնակիցների փոխհամաձայնեցված կամքը (կողմերի համաձայնությունը) բացարձակ գերակա իրավաբանական ուժ ունի և նրանք (գործատուն և աշխատողը) կարող են պայմանագրի գործողության ընթացքում փոփոխել աշխատանքային պայմանագրի ցանկացած պայման, այդ թվում նաև` երկարաձգել պայմանագրի գործողության ժամկետը: Քանի որ ՀՀ աշխատանքային օրենսգրքով աշխատանքային պայմանագրի գործողության ժամկետի փոփոխման վերաբերյալ կողմերի համար նախատեսված չէ որևէ իրավական նորմ կամ պարտավորություն, հետևաբար, ՀՀ աշխատանքային օրենսգրքի 10-րդ հոդվածով սահմանված կարգով օրենքի անալոգիա կիրառելու արդյունքում կողմերը ՀՀ քաղաքացիական օրենսգրքի 466-րդ հոդվածի համաձայն (ըստ որի` ՙՊայմանագրի (այդ թվում նաև` աշխատանքային պայմանագրի (մեջբերումը` Ա.Ս.) փոփոխումը և լուծումը հնարավոր է կողմերի համաձայնությամբ, եթե այլ բան նախատեսված չէ օրենքով կամ պայմանագրով՚, կարող են փոփոխել պայմանագրի գործողության ժամկետը` ՀՀ քաղաքացիական օրենսգրքի 468-րդ հոդվածով սահմանված կարգով:

Կողմերի համաձայնությամբ աշխատանքային պայմանագրի գործողության ժամկետը երկարաձգելու իրավունքի օգտին է խոսում նաև գործարար շրջանառության սովորույթի ինստիտուտը: Այսպես, ենթադրենք անհրաժեշտություն է առաջացել որոշակի ժամկետով կնքված աշխատանքային պայմանագրով աշխատողի հետ շարունակել աշխատանքային հարաբերությունները կրկին որոշակի ժամկետով` հանձնարարված աշխատանքը սահմանված ժամկետում չավարտվելու կամ իրականացվող ծրագրի շարունակման կամ էլ աշխատողին տվյալ կազմակերպությունում այլ աշխատանքի ներգրավելու պատճառով և այլն: Եթե կողմերը չունենային պայմանագրի գործողության ժամկետը փոխադարձ համաձայնությամբ երկարաձգելու իրավունք, ապա գործատուն կարող է աշխատողի հետ ձեռք բերված համաձայնությամբ վերջինիս ազատել աշխատանքից ՀՀ աշխատանքային օրենսգրքի 110-րդ հոդվածով սահմանված կարգով և ընդունել աշխատանքի` անմիջապես հաջորդ աշխատանքային օրը` նրա հետ կնքելով որոշակի ժամկետով աշխատանքային պայմանագիր: Արդյունքում ստացվում է, որ գործատուի և աշխատողի միջև աշխատանքային հարաբերությունները շարունակվում են` կրկին որոշակի ժամկետով, սակայն կողմերի համար ոչ բարենպաստ պայմաններով. աշխատողը զրկվում է ամենամյա վճարովի արձակուրդից, իսկ գործատուն կատարում է անհարկի լրացուցիչ գործառույթներ, այդ թվում` աշխատանքից ազատման ժամանակ պետք է կատարի վերջնահաշվարկ, լրացնի աշխատանքային գրքույկը, հաշվետվություն ներկայացնի սոցիալական ապահովության տարածքային մարմին, աշխատողի անձնական գործը արխիվացնի և այլն, իսկ անմիջապես հաջորդ օրը նույն մարդուն աշխատանքի ընդունելուց կազմի աշխատանքային պայմանագիր, լրացնի աշխատանքային գրքույկը, հայտ ներկայացնի սոցիալական ապահովության տարածքային մարմիններ և այլն: Հետևաբար, աշխատանքային պայմանագրի գործողության ժամկետի երկարաձգման, այսպես կոչված, ՙանթույլատրելիությունը՚ խանգարում և խոչընդոտում է աշխատանքային հարաբերությունների բոլոր մասնակիցներին նորմալ աշխատանքային հարաբերություն ունենալու հարցում և հակասում է աշխատանքային հարաբերության կայունությունը որպես սկզբունք սահմանող` ՀՀ աշխատանքային օրենսգրքի 3-րդ հոդվածի դրույթներին: Այն չի բխում ինչպես գործատուի, աշխատողի, այնպես էլ` սոցիալական մյուս գործընկերոջ` պետության շահերից:

Այսպիով, եթե մինչև աշխատանքային պայմանագրի գործողության ժամկետի ավարտը կողմերը ցանկություն են հայտնել շարունակելու աշխատանքային հարաբերությունները որոշակի ժամկետով (քանի որ աշխատանքային հարաբերությունները չեն կարող որոշվել անորոշ ժամկետով), ապա կողմերը մինչև պայմանագրի գործողության ժամկետի ավարտը կարող են կնքել պայմանագիր` աշխատանքային պայմանագրի գործողության ժամկետը կրկին որոշակի ժամկետով երկարաձգելու վերաբերյալ:

Հարգելի գործընկեր

Ինչպես hայտնի է, 2010 թվականի հունիսի 25-ին ՀՀ Ազգային ժողովի արտահերթ նիստում ընդունվել է ՙՀՀ աշխատանքային  օրենսգրքում  փոփոխություններ  և  լրացումներ  կատարելու մասին՚ ՀՀ օրենքը, որով, ինչպես կանխատեսում էինք, փոփոխվում է գործատուների մոտ կադրային քաղաքականության և կադրային հաշվապահության շուրջ 70 տոկոսը: Փոփոխություններն ընդգրկել է օրենսգրքի 108 հոդվածներ, որոնք իրենց հերթին էական փոփոխություններ են առաջացրել աշխատանքային հարաբերությունները կանոնակարգող ամբողջ իրավական դաշտում: Մասնավորապես, փոփոխություններ և լրացումներ են կատարվել ՙԱշխատանքի պետական տեսչության մասին՚ ՀՀ օրենքում, ՙՀՀ վարչական իրավախախտումների վերաբերյալ՚ օրենսգրքում: Իսկ ՙԱշխատանքի վարձատրության մասին՚ ՀՀ օրենքն ուժը կորցրած է ճանաչվել ամբողջությամբ:
Այդ կապակցությամբ ՙԳործք՚ ՍՊԸ-ն Ծաղկաձորի գլխավոր մարզահամալիրում ս/թ օգոստոսի 13-ից մինչև օգոստոսի 15-ը կազմակերպում է եռօրյա համաժողով  ՙԿադրային քաղաքականությունը` փոփոխված օրենսդրության պայմաններում՚ թեմայով, որը կանդրադառնա ՀՀ աշխատանքային օրենսգրքի փոփոխության արդյունքում ծագած ինչպես աշխատանքային նոր իրավահարաբերությունում, այնպես էլ կադրային հաշվապահությունում առաջացող հիմնախնդիրներին:
Համաժողովի ընթացքում լսումներ կկազմակերպվեն ՙՀարկային միասնական դրույքաչափ` 2011 թվականից սկսվող կենսաթոշակային համակարգի բարեփոխման արդյունքում՚ և ՙՊետական գնումներ` վերջին առանձնահատկությունները՚ թեմաներով:
Աշխատանքային ծրագիրը մնացել է անփոփոխ` լիագումար նիստ և լսումներ աշխատանքային խմբերում, ինչպես նաև մշակութային միջոցառումներ:
Մասնագիտական աշխատանքային խմբերը կվարեն պետական կառավարման մարմինների մեր գործընկերները:
Համաժողովի մասնակցության ֆինանսական նկարագիրը հետևյալն է. մեկ կազմակերպության մեկ ներկայացուցչի մասնակցության դեպքում` 145.000 դրամ, մեկ կազմակերպության մեկից ավելի ներկայացուցիչների մասնակցության դեպքում` յուրաքանչյուրի հաշվով 130.000 դրամ: Մեկ առանձին սենյակ զբաղեցնելու համար նախատեսվում է լրացուցիչ ևս 15.000 դրամ:
Կից ներկայացնում եմ համաժողովի աշխատանքային ծրագիրը:
Շնորհակալություն համագործակցության համար:

Հարգանքով`                                                  Ա. Սարգսյան

.


.
.
Մասնակիցների նկարները
.
.
.

Ընդհանուր Անգլերենի Նորաոճ Դասընաթացներ

ՙԳործք՚ ՍՊԸ-ի ուսումնական կենտրոնը, ընդառաջ գնալով հայ ուսանողների աճող հետաքրքրությանը արտասահմանյան լավագույն համալսարանների բարձրագույն կրթության նկատմամբ, սկսում է Ընդհանուր Անգլերենի Նորաոճ Դասընթացներ:
Դասընթացներին կարող են մասնակցել անգլերենի իմացության տարբեր մակարդակներ ունեցող անձինք: Դասընթացները  զարգացնում են մասնակիցների անգլերեն լսելու, կարդալու, ինչպես նաև  գրագետ գրավոր և բանավոր հաղորդակցվելու ունակություները:

Դասընթացը հիմնված է  Cambridge  Interchange և  Cambridge Passages դասագրքերի վրա և անց են կացվում տեխնիկապես հագեցած լսարաններում: Դասախոսությունները ներառում են Power Point ծրագրի ներկայացումներ:

Cambridge Interchange Intro, Interchange 1, Interchange 2 Interchange 3 դասագրքերը սկսնակ մակարդակից մասնակիցներին հասցնում են բարձր մակարդակի: Ուսումնական ծրագիրն ընդգրկում է հետաքրքիր թեմաներ, որոնք օգնում են ճիշտ և սահուն խոսել անգլերեն: Ծրագիրը ներառում է քերականություն, բառապաշար, ինչպես նաև արտասանություն:

Cambridge Passages 1 և Passages 2 դասընթացների ծրագիրը թեմատիկ է, այն խրախուսում է խոսել և գրել բազմազան հետաքրքիր և բովանդակալից թեմաների շուրջ:

Cambridge “Interchange Intro”      Սկսնակ մակարդակ

Cambridge “Interchange 1″           Տարրական Մակարդակ

Cambridge “Interchange 2″           Տարրականից բարձր մակարդակ

Cambridge “Interchange 3″           Միջին մակարդակ

Cambridge “Passages 1″              Միջինից բարձր մակարդակ

Cambridge “Passages 2″              Բարձր մակարդակ

Յուրաքանչյուր  մակարդակ ավարտելուց հետո մասնակիցները հանձնում են առաջադիմության թեստ և ստանում վկայական:

Յուրաքանչյուր մակարդակի տևողությունը              2.5 ամիս (75 ժամ)

Շաբաթվա օրերի քանակը                                          3 օր + կինոդիտում

Յուրաքանչյուր դասընթացի ժամաքանակը               2.5 ժամ

Խմբի անդամների քանակը                                        12 (առավելագույնը)

Յուրաքանչյուր մակարդակի արժեքը                               60.000 դրամ (2.5 ամսվա  համար)

Ընդունելության համար անհրաժեշտ է հանձնել անգլերենի իմացությունը ստուգող թեստ, որի արդյունքների հիման վրա դիմորդները կբաժանվեն համապատասխան խմբերի:

Գրանցվելու համար դիմել ՙԳործք՚ ՍՊԸ-ի ուսումնական կենտրոն

E-mail: gortsq@gortsq.am

mary@gortsq.am

URL:www.gortsq.am,

www.gortsq.com

Հասցե` ք. Երևան, Սարմենի 1շ. 2/1, 0009

Հեռ. (010) 56-18-56; (010) 519-005; (010) 519-008; (094) 44-40-80

ENGLISH FOR A CHANGE!